உதிராத நட்சத்திரங்கள்

சில்லென்ற சாரல் காற்று சன்னலின் வழியே ஊடுருவி அந்த அறை முழுவதையும் குளுமையாக்கியிருந்தது. பெரியம்மா தன்னை கூப்பிடும் சத்தம் கேட்டும் எங்கோ வெறித்திருந்தான் முகிலன். சத்தமின்றி மாடிப்படியேறி வந்த பெரியம்மா செண்பகம், அவனது கோலத்தைக் கண்டு கலங்கியவளாய், அவனை மேலும் தொந்தரவு செய்ய விரும்பாமல் திரும்பினாள். அவனது நினைவுகளிலே முழுவதுமாய் நிறைந்திருந்தவள் வெண்ணிலா! நேற்று தான் அவளைப் பார்த்தது போன்றிருக்கிறது.