தாய்க்கு இனி தாலாட்டு

மெல்லிய இசையோடு மரக்கிளைகள் அசைந்து அந்தக் காப்பக வளாகத்தையே குளுமைப்படுத்திக் கொண்டிருந்தன. அழகான சின்னஞ்சிறு செடிகள், பூக்களோடு சிலிர்த்தவாறு தலையை அசைத்தன. சீற்றுத் துடிக்கும் இதயம், சிவப்பேறி இருக்கும் விழிகள், உள்ளத்தின் வெப்ப அலைகளின் சீற்றமாய் நாசியில் இருந்து வெளிவரும் உஷ்ணக்காற்று, துடிக்கும் உதடுகள், நடுங்கும் உடல் — எனப் பலவகைத் தாக்குதல்களுக்கு ஆளாகிப் போயிருந்தாள். இக்காலம் வரை இப்படி ஒரு நிலையில் இந்த இடத்திற்கு வருவேன் என கனவில் கூட நினைத்ததில்லை.